![](https://manjesjiek.nl/site/wp-content/uploads/2022/10/bubble-sjrief-plat-1024x555.png)
Wie sjoan ós Limburg is!
Sjuus zoa wie ekerein, höb se gein invlood op de plaats wao se gebaore wurs. Zoa väöl leng, plaatse en luuj op de welt, en precies dao, in die plaats en dat hoes sjteit diene weeg. Veur mich is dat Hölsberg gewaes en gebleve; ’n sjoan sjtökske Limburg wo se berg aaf weggeis en berg op truukkumps of angesjum.
![... dan sjrief mer plat!](https://manjesjiek.nl/site/wp-content/uploads/2022/10/Hulsberger-3-29-Wie-sjoan-os-Limburg-is.jpg)
Wie ich miene ièsjte fiets kreeg kaom ich dao pas ech achter. Ummer mer die berg op en aaf fietse um örges te kómme. Wat heij ich dao ‘ne hekel aan. Ich zoog veural nieks van de umgaeving, ich dach allein mer aan dae volgende berg dae ich weer op moos fietse en ich höb vreuger get kilomaeters in Limburg gefietst. Geweun fietse um te fietse zoot d’r dan ouch neet biej.
Later wie ich ‘ne auto heij, zoog ich eigelik pas wie sjoan ós Limburg is, al die berg, die krónkelwaeg tösje de boesj, die weie mèt hiej en dao ‘ne meule en Hollendesj die mich nao de sjoanste plekskes van Limburg sjtuurde. Meh toch, genete van ós Limburgs land deise neet in ‘ne auto en met de fiets de Limbugse berg euverwinne zoot d’r nog ummer neet in. Dus höbbe veer ós ‘ne scooter aangesjaf womèt veer al (of pas) 8 jaor alle waeg, paedjes, hollewaeg insjlaon die veer taegekómme en aafwachte in welk plaetske veer dan weer oetkómme. En ’t allerleefste gónt veer al die berg op en aaf um zoaväöl meugelik te genete en te zeen van ’t sjoanste sjtökske Nederland.
Wie sjoan ós Limburg is …
De Hulsberger – jaargang 3 – editie 29 – juli 2018
Wil ste mië weite euver de Limburgse sjpelling, kiek dan bv op Limburgse Sjpelling of op de Wikipedia: Sjepllingssjpiekpagina!
![](https://manjesjiek.nl/site/wp-content/uploads/2022/10/profiel-Helga-Keulen-2.jpg)
In 2001/2002 höb ich de Lièrgank Limburgs gevolgd dat georganiseerd woord door Veldeke en de Provincie Limburg. Sinds dae tied is de leefde veur de Limburgse Taal nog groater gewore. In 2016 haet de redactie van de Hulsberger mich gevraog um gastredacteur te zin veur de column: … dan sjrief mer plat. De sjtökke die ich gesjreve höb, kómme hiej allenèj langs. Ze gónt euver de Limburgse taal, ós dörp Hulsberg, ós Limburg of geweun get sjtómme kal.
Väöl plezeer mèt laeze!
… dan sjrief mer plat!
Vergaete weurd
D’n 11e-van-d’n-11e
Kaesjmis en Nujaor
Gemiesjte Prinseproklematie
Name van Hölsbergse carnavalsgroepe
Anger weurd veur Sukkel
Vastetied
Limburgs vs Duutsj
Gebroeks Huilands
Limburgse oetdrökkinge – deil 1
Kómkómmertied
Limburgse sjpellingstsjekker
Knuupkestejjer
’t Waer
Truukkieke op 2017
Dameszitting
Limbo-Hollands – Creooltaal
Limbo-Hollands – Limbabwe
Nederlands anti Limburgs
Wie sjoan ós Limburg is
Hölsbergse Nostalgie
Baekdale / Beekdaelen
Kèrkef Allerheiligen
Kaesjverhaol
Oetrope prinsepaar 2019
Maske Prinselaria
Enne?
Limburgse oetdrökkinge – deil 2
Aan alles kump ’n ènd
Categorieën
- Gedachtenis (5)
- Gedicht van Oma (1)
- Gedichtenbundel (61)
- Hertalingen (6)
- Kamp Album (59)
- Leef je Leven (25)
- Limburgse taal (7)
- Mijn Gedichten (4)
- Sjrief mer plat (30)